Andersen, Hagen, Lyslid slektene

Fra Bø - soga:

Haugerud, 59g 25' 10,7879 N 8g 58' 14,9648 E

gnr. 25, bnr. 12, skyld 0,54,
bnr. 14, skyld 0,30,
bnr. 22, skyld 0,06,
bnr. 19, skyld 0,30
gnr. 26, bnr. 5, skyld 0,20

Utgangspunktet for dette Haugerud var ein husmannsplass som låg på grensa mot Eriksteinområdet. Den fyrste husmannen me kjenner til her, var Tolv Eilefsson frå søndre Oterholt. Han sat med plassen på slutten av 1700-talet og seinare ætta hans framover heile 1800-talet og til midten av 1900-talet. Ved skylddeling i 1847 blei plassen sjølveigarbruk. Han blei da skilt frå nordre Vreim, og fekk løpenr. 81 e med 15 skill. skyld. Olav Tolvsson Haugerud var fyrste sjølveigaren. Etter matrikkelførearbeida frå 1866 hadde garden da 20 mål moldjord. Dei kunne så 1.2 tn havre, lA tn bygg og 2 tn poteter, og dei fødde 1 ku og 2 sauer.

Olav Tolvsson døydde i 1867, og sonen Olav tok over. I 1875 sådde dei lA tn kveite, lA tn bygg, l. tn havre og 3 1.2 tn poteter, og dei fødde 3
kyr og 2 sauer. I 1886 fekk Haugerud gnr. 25, bnr. 12 med 0,54 i skyld.
Frametter 1900-talet blei det kjøpt inntil jord, så eigedomen blei mykje større enn før. I 1901 blei bnr. 14 skilt ut frå Haugerud, bnr. 10 og lagt til bnr. 12. Bnr. 10 høyrde til søndre Erikstein, og bnr. 14, som blei skilt frå, var Slåtta ute ved Bøelva. Like eins blei eigedom-en Kåsa, som hadde vore eige bruk frå 1904, kjøpt og lagt til Haugerud. Ein del skog som høyrde til, er selt frå. Garden som såleis har store jorder ut mot Bøelva, har 115 da dyrka mark og 20 da utmark. Det er leire og myrjord i flatt lende.

Olav Hansson av den gamle Haugerudætta seIde i 1950 garden til Rikard Aarak frå Treungen. Han blei g.m. Anne Hansdtr. Sønstebø, som frå 1974 til 1984 arbeidde i Sønstebø manufakturforretning.I ] 956 slutta dei med krøtter og gjekk over til bare korndyrking og minkal. Før var det vanleg med l hest og 6 kyr. Husestaden ligg oppe i bakken litt inn frå vegen. Den gamle stugubygningen, truleg frå ca. 1800, er flytt dit frå Erikstein, men er seinare ombygd fleire gonger. Den nye stugubygningen blei sett opp i 1965. Fjos og stall blei bygd i 1943.