Andersen, Hagen, Lyslid slektene

Hentet fra Bø- soga
Haugen ved Erikstein

Dette var ein husmannsplass under søndre Erikstein, og låg borti bakken litt nord for husestaden på Erikstein. Da Erikstein blei delt, kom denne plassen til å høyre under løpenr. 83a, seinare bnr. 2

Haugen skriv seg frå 1700-talet, truleg siste halvparten, og den fyrste husmannen me veit om, var NilS Kittilsson av den gamle søndre Erikstein-ætta. Han døydde her i 1818. (Om ætta hans sjå Nyhus, gnr. 26, bnr. 1)

Omkring 1860 kom Jens Olavsson, son til Olav Tolvsson Haugerud, gnr. 15, bnr. 12, til Haugen. Han dreiv som tømmermann og laga tresko og liknande. Han var g.m. Mari Kittilsdtr. frå Haugen, gnr. 25, bnr. 6.I 1875 hadde dei på plassen sin 1 ku, og sådde 1.6 tn kveite, 1.16 tn bygg, 1.8 tn havre og 1 1.2 tn poteter. Da Jens døydde i 1896, blei denne plassen nedlagt. Sonen Olav, som på denne tid gifte seg med Johanne Tollefsdtr. Eikjamyra, bygde seg hus like innafor Haugen, og dette blei kalla Kåsa

Det høyrde til bnr. 3 og 4 og låg frå gamaIt under Megarden Erikstein. Etter Olav døydde i 1919, budde Bergit Venhaug og dotter hennar, Gunhild, ei tid her. Men så blei dette huset flytt ned til Vreim skule. Seinare bygde Halvor Såmundsson Brekke hus på same tomta. Denne eigedomen på om lag 5 da,blei i 1964 skilt frå Erikstein bnr. 3 og 4, med namnet Erikstein, gnr. 26, bnr. 27 og skyld 0,05, med skøyte til Halvor Brekke. Han flytte opp til Brekketo i Seljord i 1976, og seinare har dottera Inger budd her.